1. वेल्हम गर्ल्स स्कूल मा सात छात्रा मिलिन कोरोना पॉजिटिव: उत्तराखंड चारधाम यात्रा की शुरुवात का साथ ही प्रदेश मा फिर बढ़न लगिन कोरोना का मामला, राजधानी देहरादून का वेल्हम गर्ल्स स्कूल मा सात छात्रा मिलिन कोरोना पॉजिटिव, एहतियातन जिला प्रशासन ना स्कूल परिसर थै माइक्रो कंटेनमेंट जोन करि घोषित, स्कूल थै किये ग्या लॉकडाउन.
2. हरीश रावत ना बोली- चंपावत उपचुनौ मा परिणाम भुगतली बीजेपी: चंपावत उपचुनौ थै लेकि प्रदेश मा सरगर्मी तेज, कांग्रेस का वरिष्ठ नेता हरीश रावत ना इशारों-इशारों मा धामी सरकार पर साधी निशाना और बोली- उत्तराखंड विधानसभा चुनौ मा बीजेपी ना जोरशोर से उठे छाई मुस्लिम यूनिवर्सिटी कू मुद्दा, चंपावत उपचुनौ मा परिणाम भुगतली बीजेपी.
3. भतीजा का मुंडन संस्कार मा शामिल ह्वेनि सीएम योगी: उत्तरप्रदेश का मुख्यमंत्री योगी आदित्यनाथ कू उत्तराखंड दौरा कू दूसरू दिन, पैतृक गौं पंचूर मा सीएम योगी ना अपणा भतीजा का मुंडन संस्कार समारोह मा रेनि मौजूद, 28 साल बाद पारिवारिक कार्यक्रमों शामिल ह्वेनि मुख्यमंत्री योगी, उपस्थिति से मुंडन संस्कार कार्यक्रम मा लगिन चार चांद.
4. केंद्रीय मंत्री पीयूष गोयल ना विकासकार्यों की करि समीक्षा: केंद्रीय मंत्री पीयूष गोयल ना आज हरिद्वार मा चना विकास कार्यों की करि समीक्षा बैठक, ये दौरान पीयूष गोयल ना बोली- चार सालों मा हरिद्वार मा ह्वेनि ऐतिहासिक कार्य, पीएम मोदी का विजन से नमामि गंगे और स्वच्छ भारत अभियान मा दिखेणु च अभूतपूर्व बदलाव, हरिद्वार मा जोरशोर से चनु च सीवेज ट्रीटमेंट प्लांट कू कार्य.
5. यात्रियों थै रजिस्ट्रेशन कराण मा हुणि च भारी परेशानी: उत्तराखंड चारधाम यात्रा खुण आण वला यात्रियों थै रजिस्ट्रेशन कराण मा हुणि च भारी परेशानी, ऋषिकेश मा पिछला द्वि दिनों से सर्वर मा बार-बार आणी च तकनीकी खराबी, बुधवार सुबेर 7 बजि से दोपहर 2 बजि तक यख सर्वर डाउन हुणा कारण नि ह्वे सकि यात्रियों कू ऑनलाइन रजिस्ट्रेशन, ऑफलाइन रजिस्ट्रेशन मा भी कर्मचारियों की कमी क चलदा यात्रियों की घंटों तक ह्वे फजीहत.
6. राकेश टिकैट ना बाजपुर मा किसानों से करि मुलाकात: भाकियू का राष्ट्रीय प्रवक्ता राकेश टिकैत ना बाजपुर मा किसानों दगणि करि मुलाकात, अपणी समस्याओं थै लेकि जल्द किसानों कू प्रतिनिधिमंडल सीएम धामी से करलु मुलाकात, वखि बेरोजगारी और महंगाई का मुद्दा पर राकेश टिकैत ना बोली- देश मा एक और बड़ा आंदोलन की जरूरत.
7. मुख्य सचिव ना केदारनाथ धाम कू करि निरीक्षण: उत्तराखंड मा चारधाम यात्रा कू आगाज, गंगोत्री- यमुनोत्री धाम का बाद अब 6 मई दिन खुलला बाबा केदार का कपाट, वखि आज मुख्य सचिव एसएस संधू ना केदारनाथ पौंचि यात्रा व्यवस्थाओं कू ल्याई जायजा, अधिकारियों थै केदारधाम मा व्यवस्थाओं थै दुरुस्त कना कू देनि निर्देश, साथ ही पुनर्निर्माण कार्यों कू भी करि निरीक्षण.
8. हाईकोर्ट ना डीएम देहरादून और राज्य सरकार से मांगी जवाब: नैनीताल हाईकोर्ट ना दून घाटी का ईको सेंसटिव जोन मा नदी क्षेत्र पर अतिक्रमण और आईटी पार्क निर्माण कार्यों थै लेकि दायर जनहित याचिका पर करि सुनवै, वखि मामला की सुनवै का बाद कोर्ट की खंडपीठ ना डीएम देहरादून और प्रदेश सरकार थे चार हफ्ता मा जवाब पेश कना कू दे आदेश, अब 4 जून का दिन होली ये मामला की सुनवै.
9. उत्तराखंड मा बरखा से लौखु थै मिली राहत: उत्तराखंड मा मौसम न बदली करवट, प्रदेश का मैदान इलाकों मा ह्वेई झमाझम बारिश, राजधानी देहरादून मा करीब एक घंटा कि बरखा से लौखु थे गर्मी से मिली जरा राहत, वखि पर्वतीय इलाकों मा भी बूंदाबांदी का बाद तापमान मा आई गिरावट, मौसम विभाग ना पूर्वानुमान मा आज बरखा की जतै छाई आशंका.
10. भागीरथी पर्यटन आवास कू उद्घाटन करला सीएम योगी: धर्मनगरी हरिद्वार मा उत्तरप्रदेश सरकार कू लग्जरी भागीरथी पर्यटन आवास बढ़िकि तैयार, भौल यानि 5 मई का दिन यूपी का मुख्यमंत्री योगी आदित्यनाथ भागीरथी पर्यटन आवास कू करला उद्घाटन, भागीरथी आवास मा 100 कमरा बढ़या छिन, जैमा 88 डीलक्स और 12 वीवीआई सुइट शामिल छिन. यख आण वला पर्यटकों मिललि बेहतर सुविधा.